Британскиот министер за одбрана, Џон Хили, патува на Кипар, четири дена откако дрон ја погоди британската база во Акротири и го стави островот во состојба на готовност, објавија неколку британски медиуми.

Според кипарските медиуми, британскиот министер за одбрана веќе е на Кипар и ќе се сретне со претседателот Христодулидес.

Британското Министерство за одбрана не ја потврди посетата, која се одржува во време кога Лондон е критикуван од кипарските власти за одложување на распоредувањето засилувања за заштита на двете британски бази на островот.

Во исто време, кипарски функционер денес за Асошиејтед Прес изјави дека непријателскиот дрон што предизвика штета на британската воена база во Акротири во понеделник вечерта полетал од Бејрут.

ВИДЕО | Британска база на Кипар нападната од ирански дрон „шахид“