Бразилскиот пејач Дарлин Мораис (28) почина откако го каснал пајак по лицето. Компликациите кои следеле по навидум безопасната каснатина имале фатален исход, пишува „Дејли меил“.

Несреќата се случила во неговиот дом на 31 октомври во Миранорте. Неговата 18-годишна поќерка, која исто така била касната од пајак, е итно хоспитализирана и е во стабилна состојба, изјавила нејзината мајка и сопругата на пејачот.

Сопругата на пејачот изјавила и дека Дарлин Мораис се чувствувал крајно уморен, а бојата на модринките предизвикани од каснувањето од пајакот почнала да се менува. Доживеал алергиска реакција, додека лекарите во Општата болница Палмас и покрај сите напори не успеале да му помогнат.

Дарлин Мораис се занимава со музика од својата 15-та година, а настапувал со бенд чии членови се неговиот брат и пријател, пишува „Дејли Мејл“.