Во традиционалното божиќно обраќање на кралицата Елизабета Втора во која таа со емоции зборуваше за својот покоен сопруг и сочувствуваше со семејствата на кои им недостасуваат најблиските, кралицата успеа да „освои“ преку 8,96 милиони гледачи на емисијата во Велика Британија.

Како што пренесува „Би-би-си“, публика од 8,96 милиони луѓе го гледале празничното обраќање што се емитуваше на „Би-би-си уан“, „Ај-ти-ви“ и „Скај њус“ според рејтинзите во текот на ноќта.

Специјалното издание на „Би-би-си“  Strictly Come Dancing Christmas Special и Call the Midwife биле следните две најгледани емисии таа ноќ.

 

View this post on Instagram

 

A post shared by Queen Elizabeth II UK 🇬🇧 (@queenelizabethiiuk)

Во трката за најдобра сапуница Coronation Street на „Ај-ти-ви“ се најде на врвот.

Во својата прва годишна божиќна порака по смртта на принцот Филип, кралицата (95) искрено го пренесе своето сочувство кон јавноста и сите кои се соочуваат со личните загуби за време на празниците.

„Божиќ може да биде тежок за оние кои ги загубиле своите сакани – оваа година особено разбирам зошто“, рече таа во претходно снименото 10-минутно обраќање емитувано во 15:00 часот по Гринич.