Борусија Дортмунд го претстави наследникот на Халанд
Поранешниот фудбалер на Салцбург, Карим Адејеми е нов играч на Борусија Дортмунд. Тој пристигнува како замена за Ерлинг Халанд кој денеска го засили Манчестер Сити.
Адејеми потпиша за 30 милиони евра, а уште 2,5 како бонуси во договорот.
– По Никлас Зиле и Ник Шлотербек, добивме уште едно возбудливо засилување. Тој е момче кое има голема почит кон овој клуб, срцето уште од мали нозе му чука во „црно-жолтите“ бои, а одби неколку силни понуди само да заигра за Борусија Дортмунд – рече спортскиот директор на Борусија, Себастијан Кел.
Адејеми има договор до 2027 година со „милионерите“. Во дресот на Салцбург оваа сезона на 42 натпревари постигна 23 гола и запиша осум асистенции.
Своевремено беше дете на Баерн, што на почетокот имаше посебно значење за него бидејќи е роден во Минхен, но не остана долго во тој дрес. Во Унтерахинг се пресели на 10 години, бидејќи неговите родители не се договорија со Баерн за условите за соработка.
He’s Karim Adeyemi – He’s Fast – He's Home ✍️ pic.twitter.com/4yHWi63CaO
— Borussia Dortmund (@BlackYellow) May 10, 2022
Hello @BlackYellow fans, it is official. I am coming next season to play football and score goals 🖤💛 pic.twitter.com/wHKl1vybnJ
— Karim Adeyemi (@karim_adeyemi) May 10, 2022