БЛА, БЛА, БЛА: Јаја Туре удри по ФИФА! – Слободен печат
СпортФудбал

БЛА, БЛА, БЛА: Јаја Туре удри по ФИФА!

Интернационалецот од Брегот на Слоновата коска е загрижен и смета дека светската куќа на фудбалот ништо не презема да исчезне оваа негативна појава.

Поранешниот играч за врска на Барселона и Манчестер сити ја обвини Меѓународната фудбалска федерација (ФИФА) дека не е заинтересирана да го реши проблемот со расизмот.

Зборовите на Туре доаѓаат после навредите кои ги претрпеа англиските репрезентативци на гостувањето во Софија на натпреварот од квалификациите за пласман на ЕП 2020.

– Често околу тоа се зборува, бла, бла, бла…И што се случува? Луѓето од ФИФА не се грижат за овој проблем, ова многу долго трае. Загрижен сум и многу ме лути ситуацијата – рече Туре, а пренесува „Л`Екип“.

Сегашниот член на кинескиот Киндао повеќе пати го подигна гласот да се реши проблемот околу расизмот на стадионот, додека уште беше капитен на Сити.

Досега ФИФА и УЕФА ваквите немили настани ги решаваа со парични казни и затворање на стадионот за клубовите и репрезентациите за расистички навреди и извици.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close