БКФЦ му ја одзема светската титула на Гого, прифатил борба од друга организација без дозвола
![](https://www.slobodenpecat.mk/wp-content/uploads/2023/12/Screenshot_3-6.jpg)
Maкедонецот Горјан Славевски остана без титулата во БКФЦ во полусредна категорија, потврдил претседателот на оваа организација Дејвид Фледнман.
Промоцијата за борби објави дека титулата на Славевски му е одземена затоа што прифатил борба надвор од организацијата без претходно да побара и добие дозвола.
Славевски се бореше и загуби од Брендон Џенкинс на настанот Карате Комбат 43 во Лас Вагас.
„Горјан за жал прифати борба надвор од нашата организација без дозвола и тоа резултираше со одземање на титулата во полусредна категорија. Дополнително ќе објавиме соопштение во врска со испразнетата титула“, изјави Фледман.
Македонскиот борец во БКФЦ кариерата имаше скор од перфектни 6:0 и во сите борби победи со нокаут. Титулата ја освои во август кога го победи ветеранот од УФЦ, Џејк Линдзи.
ВИДЕО | Гого поразен во борбата која во живо ја следеше Волкановски