Италијанскиот мотоциклист Марко Бецеки триумфираше на трката за Големата награда на Бразил, која е втора сезонава во Мото ГП шампионатот.

Со оваа победа, Бецеки по вторпат се искачи на највисокото место на патеката „Аиртон Сена“, влегувајќи во одбрано друштво заедно со легендите како Валентино Роси, Марк Маркез и Хорхе Лоренцо.

Италијанецот до победата стигна со сигурна предност од околу три секунди во однос на својот тимски колега Хорхе Мартин, за кого ова беше прво искачување на подиумот по трансферот во Априлија, но и прв ваков успех по пауза од дури 500 дена.

На третото место заврши Фабио ди Џанантонио, кој успеа да го остави зад себе Марк Маркез.

По овој триумф, Бецеки се искачи на врвот во генералниот пласман со 56 бодови, пред Мартин кој има 45, додека Педро Акоста ја зазема третата позиција со 42 освоени поени.