Базата на Ѓоковиќ во Њујорк е на имот вреден 40 милиони долари каде тренира со најсовремена технологија
Новак Ѓоковиќ се наоѓа на само три победи од големата цел, освојување на сите четири грен слем турнири во една година, а новинарите во САД открија дека српскиот тенисер се подготвува во посебни услови.
Ѓоковиќ утревечер го очекува дуелот со Матео Беретини во четвртфиналето на УС Опен, но медиумите во САД освен неговите игри ги интесира локацијата во Њу Џерси во која српскиот тенисер се подготвува.
Новак во Европа по речиси 15 години живеење во Монте Карло, од минатата година се пресели на Марбеља во Шоанија, но во САД кога настапува на УС Опен има место на кое е редовен гостин.
Тоа е тениски центар во Алпајн, населба во Њу Џерси и е во посед на Гордон Улинг, тениски тренер кого „Њујоркер“ го прогласи за најнапреден и кој е фокусиран на последните генерации на технологии кои им се на располагање на играчите.
На имотот на кој претстојува Ѓоковиќ има четири отворени тениски терени и тоа со четири различни подлоги, а постои и еден затвирен терен.
Според „Њујоркер“, Новак има пристап и до хипербарна комора која служи за брза регенерација на телото и мускулите по напорните мечеци. Според финансиските експерти имотот на академијата на Улинг „CourtSense“, се проценува на 40 милиони долари.
Според тоа што го дозна „Њујоркер“, затворениот тениски терен е опремен со систем на камери кои го снимаат секој удар и секое движење на тенисерот, а камерите исто така ја следат и брзината на топчето, нивниот спин и шаблоните кои тенисерот ги прави за време на поенот и поради тоа не е изненадување што Ѓоковиќ речеси цела деценија престојува во „CourtSense“ кога настапува на УС Опен.