Батум го напушти Шарлот, следна цел освојување на НБА титулата!?
Николас Батум го напушти Шарлот по пет години, а негова следна станица според медиумите во САД би требало да биде Лос Анџелес.
Искусниот француски бек стана слободен агент и најверојатно својата кариера ќе ја продолжи во ЛА Клиперс со чиј клуб се најавува дека ќе потпише таканаречен ветерански договор.
Во претходната сезона, дефинитивно најслабата за Батум кога се во прашање перформансите и минутажата, тој запиша 3,6 поени, 4,5 скока и 3 асистенции по натпревар на 22 натпревари.
Тој имаше скршен прст во октомври и тоа го спречи да покаже повеќе од своите квалитети.
Клиперс пред Батум го ангажираше шпанскиот центар Серж Ибака.