Денеска со жрепка во седиштето на УЕФА, Нион, ги дознавме плеј-оф паровите кои ќе ги дадат останатите осум осминафиналисти во Лигата на Европа.

А директно пласман во осминафиналето во ова фудбалско клупско натпреварување обезбедија првопласираните од групната фаза на ЛЕ. Тие се Арсенал, Фенербахче на македонскиот репрезентативец Езџан Алиоски, потоа Бетис, Унион Сент-Жилуаз, Реал Сосиедад, Феенорд, Фрајбург и Ференцварош.

Третопласираните од групната фаза во Лигата на шампионите во плеј-офот ќе играат против второпласираните од групите на Лига Европа.

Жрепката одлучи на стартот од нокаут-фазата да имаме спектакл, Барселона на Чави за противник го доби Манчестер јунајтед предводен од Ерик тен Хаг.

It's set! 🤩

Which tie are you looking forward to most?#UELdraw pic.twitter.com/OvquVAv4rL

— UEFA Europa League (@EuropaLeague) November 7, 2022

Рома на португалскиот стратег Жозе Мурињо го доби Салцбург, а Јувентус ќе се соочи со Нант од Франција. Се очекува да биде интересно и на мечевите меѓу рекордерот на освоени трофеи во Лига Европа, Севиља, и холандскиот ПСВ Ајндховен.

Првите натпревари ќе се играат на 16 февруари, а реванш средбите се на 23 февруари 2023 година. Потсетување дека финалето сезонава во ЛЕ ќе се игра на 31 мај 2023 на Пушкаш Арената во Будимпешта, Унгарија.

Лига Европа 2022/2023

Плеј-оф двојки (1/16) за пласман во осминафиналето –

Барселона – Манчестер јунајтед
Јувентус – Нант
Спортинг – Митјиланд
Шахтјор Доњецк – Рен

Ајакс – Унион Берлин
Баер Леверкузен – Монако
Севиља – ПСВ Ајндховен
Салцбург – Рома

ЛШ: Ливерпул ќе игра против Реал Мадрид, Елмас и Наполи го добија Ајнтрахт Франкфурт