Балканските ѕвезди Ѓорѓе Давид и Ивана Петерс, заедно со македонските музички ѕвезди Александар Јосифовски и Славица Анѓелова, со одличен перформанс ги забавуваа скопјани во рамки на неколкудневната манифестација „Карпошево Културно Лето 2023“.

На плоштадот „Делфина“ во населбата Влае, скопјани уживаа во двочасовните изведби на овие музички имиња следени од бендот „Death Saw“.

Последната вечер на Карпошево Културно Лето 2023 беше во организација на Општина Карпош и Друштвото за комуникациски менаџмент Чептер 4 Македонија во соработка со менаџерот на музичките имиња за Македонија, Вера Мештеровиќ. Нивната проактивност, сред недела соедини толпа од различни генерации, давајќи им можност да уживаат во моментот и во животот. Не постои подобар подарок од испеан збор, ниту подобар живот од оној проследен со песна.

Скопјани максимално уживаа во хиперактивниот настап на сите рок изведувачи. Со овој концерт заврши овогодишното Карпошево Културно Лето 2023, на кое продефилираа неколку музички и актерски имиња од македонската сцена.