Бадоса подобра од двојната шампионка на Виблдон
Паула Бадоса обезбеди пласман во осминафиналето на Вимблдон откако по два часа и седум минути игра, ја совлада двојната шампионка на турнирот, Петра Квитова со 7:5, 7:6.
На тој начин Бадоса го повтори успехот од минатата година, кога на Вимблдон исто така играше во осминафиналето.
Петра Квитова подобро го започна мечот и направи брејк за 0:2, а потоа имаше предност и од 2:4 и 3:5, но во десеттиот гем Бадоса конечно успеа да го врати брејкот, а потоа ги доби следните два гема за 7:5 и водство од 1:0 во сетови.
Во вториот сет немаше брејкови, иако Квитова имаше вкупно осум брејк шанси во третиот и седмиот гем по што сетот мораше да одлучи во тај-брејкот.
Во него, шпанската тенисерка беше подобра со 7:4 и си закажа осминафинална пресметка со Симона Халеп.