Ако досега кандидатите за полагање за возачка дозвола од категорија Б плаќаа околу 24.000 денари за целата обука, од овој месец ќе плаќаат 10.000 повеќе, односно 34.000 денари. Плус на тоа се додава и трошокот за изнајмување полигон, кој чини 250 денари по час.

Покачувањето, како што велат од автошколите е неминовно поради зголемените трошоци за гориво, одржување на возилата и техничка опрема, но дека и новите прописи што ги воведе ресорното министерство бараат построги стандарди за наставата, пишува „Денар“.

Од Министерството за транспорт и врски, пак, неофицијално се спомнува дека промените биле воведени со цел подобрување на квалитетот на обуката и усогласување со европските стандарди.