АТП: Медведев на врвот, Ѓоковиќ е трет пред настапот на „Вимблдон“
Прв и понатаму е Русинот Данил Медведев со 7,955 поени на АТП ранг листата, остана без 205 поени, а Александар Зверев од Германија е втор со 7,030, додека трет е Новак Ѓоковиќ со 6.770 поени.
Новак Ѓоковиќ е трет во светот со 6,770 поени пред почетокот на „Вимблдон“, третиот Грен слем турнир оваа сезона.
Шпанецот Рафаел Надал е четврти и му дише во врат на српскиот ас со 6,525 поени, следуваат Стефанос Циципас (5.,150), Каспер Руд (5,050), Карлос Алкараз (4,890), Андреј Рубљов (3,870), Феликс-Оже Алијасим (3,760) и Хуберт Хуркач (3,735).
Роџер Федерер наскоро ќе испадне од топ 100 во светот, моментно е на 97 позиција на АТП листата со само 600 бодови.
Ѓоковиќ од почетокот на годината не можеше да се натпреварува за дури 4.000 АТП поени (Австралија опен, Индијан Велс и Мајами), а нема да може да одбрани 2.000 поени ниту на Вимблдон. АТП го казни Вимблдон, па нема да има бодови бидејќи Англичаните им забранија на Русите и Белорусите да се натпреваруваат. Сето ова му создаде проблем на Ѓоковиќ, кој најверојатно по Лондон ќе падне дополнително на АТП листата.
Играта на трева на Ѓоковиќ е супериорна и тој е главен фаворит за триумф на Вимблдон