Робин Госенс (26), брилијантното лево крило на Аталанта кој подоцна се разви во уште подобар играч и потоа дебитираше за Германија, го привлече вниманието со своите игри на Европското првенство.

Кога беше најпотребно, по поразот на стартот од Франција, својата врвна форма ја покажа против европскиот шампион Португалија со импресивна победа од 4:2.

Животна партија одигра Госенс запишувајќи еден гол и две асистенции во триумфот над Португалците. Минатата сезона постигна 12 погодоци за Аталанта и забележа осум асистенции.

Госенс, новиот германски херој со интересен живот и професионален пат, кој никогаш не играл во Бундеслигата, го посакува Борусија Дортмунд. Но, германскиот „Спорт1“ открива, а каталонските медиуми пренесуваат дека Барселона веќе стапила во контакт со агентот на Госенс ​​и започнала преговори со него.

Барселона во сè полоша ситуација, a Лапорта најави уште неколку засилувања!?

Аталанта не е против продажба на својот клучен играч, има договор со калчолигашпт до 2023 година и би го продала за 35 милиони евра. Доколку Барса се согласи за оваа цена, Аталанта ќе се покаже како една од најдобрите продавачи на пазарот. Имено, Госенс беше купен од холандскиот клуб Хераклес во летото 2017 година за нешто повеќе од милион евра. Значи, таа би заработила 34 пати повеќе од тоа.

И тренерот на каталонската екипа, Роналд Куман инсистира на Госенс. Пред да стане тренер на Барселона, тој беше селектор на Холандија и се обидуваше да го убеди да игра за „лалињата“. Тој имаше и добра причина за тоа, бидејќи Госенс ​​не само што се проби во Холандија, воедно неговиот татко е Холанѓанец и има државјанство на таа земја.

На крајот Госенс ​​се одлучи да ги брани боите на германскиот дрес, за кого минатата година дебитираше во Лигата на нациите, а сега „експлодираше“ на Евро 2020.

Германија бара стадионот во Минхен да е во боите на ЛГБТ заедницата