Податоците на Лабораторијата за сончева астрономија при Институтот за вселенски истражувања на Руската академија на науки покажуваат дека сите сончеви дамки во моментов се исчезнати, ретка појава позната како „зимско мирување“ на сончевата активност. Последен пат Сонцето било без ниту една дамка на 11 декември 2021 година, пишува „Калибар“.

Сончевите дамки се темни точки на површината на Сонцето каде што магнетните полиња се посилни и каде се јавуваат сончевите ерупции и блесоци. Бројот и големината на дамките покажуваат колку Сонцето е активно, повеќе дамки значат поголема активност, додека целосното исчезнување покажува период на мирно Сонце.

Изненадувачки е што ова се случува толку брзо, бидејќи максимумот на тековниот циклус на Сонцето беше пред само година и пол, а јануари и почетокот на февруари 2026 година беа особено бурни. Сонцето тогаш собори два рекорди за овој век, по јачина на радиоактивните бури и по бројот на силни сончеви блесоци во една област.

Институтот за вселенски истражувања предупредува дека ова мирно време на Сонцето не може да трае долго и дека активноста повторно ќе се зголеми. Сепак, историјата покажува дека понекогаш наглото намалување на сончевите дамки траело децении, најпознатиот пример е Маундеров минимум (1645 – 1715), кој се поклопи со најстудената фаза на Малото ледено доба во Европа и Северна Америка.