Во изминатиот период се шпекулираше дека моментно најдобриот стрелец во Серија А, Душан Влаховиќ се наоѓа во желбите на Арсенал.

Од различни извори е потврдено дека понудата изнесува 55 милиони евра плус Тореира кој вреди 15 милиони и веќе е на позајмица во Тоскана.

Фиорентина, во чии редови блеска српскиот репрезентативец Влаховиќ засега молчи, а и самиот играч и натаму не е убеден дека Арсенал е правото решение за него, дури и доколку клубот ја прифати понудата.

Менаџерот на „топџиите“, Микел Артета призна ќе се обиде да ангажира квалитетно засилување оваа зима.

– Доколку имаме средства, јасно е дека мора да ја искористиме зимата и да ги претекнеме ривалите – рече шпанскиот стратег без да споменува имиња.

“But we’re there” – Arteta hints that new Arsenal striker is incoming – Vlahovic? https://t.co/RUyuTPdNP4

— Arsenal Fans (@AFC__Fans) January 8, 2022

На табелата во Премиер лигата Арсенал е четвртопласиран со 35 бодови, водечки е Манчестер сити (53), пред Челси (43) и Ливерпул (42).

Во меѓувреме „виолетовите“ ангажираа нов напаѓач, станува збор за досегашниот член на Херта Берлин, Полјакот Кшиштоф Пјонтек.

PIATEK ⚜️
1️⃣9️⃣#ForzaViola 💜 #Fiorentina #ACFFiorentina #Piatek pic.twitter.com/4fgCADrB6k

— ACF Fiorentina (@acffiorentina) January 8, 2022