„Топчиите“ успеаја да се пласираат меѓу најдобрите четири екипи сезонава во ФА купот откако денеска во четвртфиналето го елиминираа Шефилд јунајтед.

Арсенал стекна предност во 25 минута на ова гостување, прецизен од белата точка беше Пепе.

Во 87 минута домаќините дојдоа до израмнување благодарение на Мекголдрик кој ја искористи невнимателноста во одбраната на лондонскиот клуб.

Играчите на Артета дојдоа до победата во судиското надополнување преку Дани Себалјос и така по 30 пат (рекордер заедно со Манчестер јунајтед) во својата историја, Арсенал е во полуфиналето на ова натпреварување.

Во саботата место во полуфиналето обезбедија и „црвените ѓаволи“ кои беа подобри од Норич.

Треба да се дознаат уште двајца учесници во следната фаза, од 17.00 часот Лестер ќе игра со Челси, а од 19.30 часот Њукасл ќе ги одмери силите против Манчестер сити.