Оваа недела популарната апликација за запознавање потенцијални партнери „Тиндер“ прави големи ажурирања, со цел, како што велат, на корисниците да им даде поголем контекст за личноста со која можеби сакаат да се дружат.

Апликацијата добива таб за пронаоѓање, слично како на социјалната мрежа „Инстаграм“, што ќе им овозможи на луѓето да дојдат до различни начини за интеракција и запознавање на потенцијални партнери.

Во табот за пронаоѓање, корисницните ќе можат да најдат активности како „Swipe Night“, интерактивна видео игра на „Тиндер“ и нова опција наречена „Hot Takes“. Во тој режим, од 18:00 часот до полноќ по локално време, корисниците ќе можат да одговорат на прашања од типот „Кој од нивните „избраници“ е најпретенциозен?“ кои ќе исчезнат доколку никој не реагира за 30 секунди.

Ова е првпат потенцијалните партнери да можат да зборуваат пред да остварат „спојка“, а идејата е да им се даде за што да разговараат и да се процени дали постои хемија во текот на разговорот.

Идејата, вели извршниот директор Џим Ланзон, е да им се даде на луѓето поголема контрола и можности за одбирање на потенцијален партнер низ морето корисници.

Ова, за прв пат, им овозможува на корисниците да постават „филтри“, надвор од локацијата и возраста, за алгоритмот на „Тиндер“, пишува „The Verge“.