Антиваксерка од Белфаст и нејзината ќерка починале од ковид, одбиле да се вакцинираат
Антиваксерка од Ирска и нејзината ќерка починале во рок од неколку недели во болницата во Белфаст, откако двете се заразиле со ковид.
Би-Би-Си јавува дека Семи-Џо Форде (32) починала во саботата во болницата Услтер додека лежела во исто одделение со нејзината мајка Хедер Мадерн (55), која починала на 31-ви август.
Пред смртта, Мадерн ширела неколку теории на заговор за коронавирусот на социјалните мрежи, пишува Дејли Меил.
Форде и Мадер биле негуватели и биле меѓу првите луѓе кои можеле да се вакцинираат кога започнала вакцинацијата во Ирска, минатиот јануари.
Таткото на Форде, Кевин Мекалистер, за Би -Би -Си изјави дека е многу потресен поради загубата на својата ќерка и сопруга.
„Ја загубив ќерка ми, мојата најдобра пријателка“, рече тој, додавајќи дека Форде има четири деца и е многу блиска со нејзината мајка. „Тие работеа, живееја и умреа заедно“, додаде тој.
Тој вели дека не знае зошто неговата сопруга и ќерка не се вакцинирале кога им била понудена.
„Луѓето кои не се вакцинираат, не размислуваат за другите што ги оставаат“, рече накратко.