Генералниот секретар на НАТО, Марк Руте, денеска ги предупреди младите Руси дека најверојатно ќе загинат доколку се приклучат на руската војна во Украина, пренесува „Ројтерс“.

„Мажите како вас кои ќе се приклучат на борбите нема да бидат соодветно обучени. Опремата што ќе ја добиете е под стандардите. Постои многу голема веројатност да загинете или да бидете ранети“, изјави Руте на прес-конференција во Киев, обраќајќи им се директно на младите Руси и на нивните семејства.

Тој додаде дека постои голема веројатност ранетите војници да останат без соодветна помош и да ги трпат последиците од повредите.

Руте истакна дека Русија претрпува „апсолутно запрепастувачки“ загуби во Украина и повтори дека, според податоците што претходно ги изнесувал, секој месец загинуваат повеќе од 30.000 руски војници.

Руте го претстави „НАТО 3.0“ и ја нарече Русија „најдиректна закана“ за Алијансата