Српскиот ракометар Илија Абутовиќ по две поминати сезони во Еурофарм Пелистер си замина од Битола и кариерата ќе ја продолжи во српскиот шампион, екипата на Партизан каде ќе соработува со Раул Гонзалез.

Абутовиќ со емотивна порака на социјалните мрежи се прости од Битола и Македонија, истакнувајќи дека нашата земја засекогаш ќе му биде во срце.

„Благодарам Пелистер и Битола на овие две години. Благодарам за новите искуства, новите познанства и најмногу за новите пријателства. Честитки за Вардар за освоената титула, честитки за Охрид за истирискиот европски трофеј. Те сакам Македонијо. И ти благодарам за сите години што ги поминав тука и за сите работи шти го доживеав како спортист и како човек. Засекогаш ќе бидеш во моето срце“ напиша Абутовиќ.