Екипата на Вардар дојде до куп-трофејот и во кадетска конкуренција откако денеска го совлада Пелистер по изведувањето на пенали откако во регуларниот дел беше 3-3.
Вардар вчера ги освои трофеите во категоријата на пионери и помлади пионери, а денеска кадетите само додадоа уште еден трофеј.

На натпреварот кој се играше на тренинг-центарот „Петар Милошевски“ битолскиот состав двапати водеше, а Вардар успеваше да израмни. Резултатот беше отворен во третата минута кога водство на скопскиот тим му донесе Невзат Асани, Пелистер израмни во 38-та минута преку Енвер Фејзулаи.

На почетокот од вториот дел Мартин Талевски погоди за 2-1 за Пелистер, додека во 64-тата минута Админ Абдула израмни на 2-2. Второто водство на Пелистер го донесе Јован Мрмачовски, а Вардар стигна до пеналите на две минути пред крајот откако стрелаше Иво Марковски.

За Пелистер во пенал-рулетот не реализираа Јаков Пресилски и Јован Мрмачеовски, додека кај Вардар немаше непрецизни и со 4-2 ја добија серијата.