Американски новинар повикува на дисквалификација на Ѓоковиќ
Новинарот на „Њујорк тајмс“, Бен Ротенберг повторно се најде во центарот на тениската јавност и повторно цел му беше Новак Ѓоковиќ.
Ротенберг во најва на мечот помеѓу Олга Даниловиќ и Наоми Осака до кој не се дојде бидејќи српската тенисерка се пожали на инфекција, напиша дека токму Новак Ѓоковиќ е главен ментор на 145. тенисерка на светот.
Тој момент не е спорен, но во наредните објави на Ротенберг на Твитер ги налути навивачите на српскиот тенисер бидејќи случајот со повлекувањето на Даниловиќ го спореди со тој што го имаше Жил Симон. На францускиот тенисер не му беше дозволен настап на грен слем турнирот во Њујорк бидејќи имал контакт со лице кое е позитивно на коронавирус.
„За повлекувањето на Даниловиќ е наведено дека е од медицински причини. Чекаме понатамошно објаснување, но вреди да се напомене дека исто такво објаснување беше искористено за Жил Симон кој имал контакт сио лице кое е заразено од коронавирус. Доколку тоа е случај и сега, човек веднаш треба да се запраша дали еден човек кој брка грен слем може да биде погоден од ова“, напиша Ротенберг кој во друга објава на Твитер, пишува дека Ѓоковиќ бидејќи не е вакциниран е во ранливата категорија на тенисери.
Well, so much for that.https://t.co/7G6rvqOh1n
— Ben Rothenberg (@BenRothenberg) September 1, 2021
„Ова е тешка ситуација за Даниловиќ пред нејзиниот најголем меч во кариерата, се надевам дека не е некоја сериозна болест. Што се однесува до Ѓоковиќ, тој е толку подобар од останатите да единствена закана кога станува збор за триумф на УС Опен е правилото за вакцина против коронавирус. И покрај неговиот неверојатен професионализам, тој сам се направи ранлив е се доведе до ситуација да може предвреме да го заврши УС Опен доколку навистина не е вакциниран“, пишува Бен Ротенберг.
Неколку часа подоцна се огласи и Олга Даниловиќ кој рече дека не е позитивна на коронавирус, туку дека станува збор за инфекција.