Eкипата на Санта Колома од Андора приреди вистинска сензација во квалификациите за Конференциската лига и славеше победа над Борац Бања Лука со 4-1 на гостински терен.

Борац минатата сезона стигна до лигашкиот дел, а потоа и до нокаут фазата каде што ја исфрли Олимпија Љубљана. Беа блиску да приредат и изненадување во четвртфиналето, но Рапид Виена ги елиминираше по продолженија.

Токму поради тоа против аматерскиот тим на Санта Колома важеа за големи фаворити. Кога ќе се погледнат коефициентите во обложувалниците, за победа на Борац коефициентот изнесуваше само 1.10. Но, на теренот Борац губеше со 3-0 уште по првото полувреме.

Голем број од навивачите на Борац го напуштија теренот и пред последниот судиски свиреж.