Албанскиот премиер Еди Рама ги повика пензионираните лекари специјалисти, кои се во можност, да помогнат во справувањето со состојбата со новиот коронавирус. За да ги стимулира за нив и за целиот медицински персонал ангажиран на фронталната линија во справување со заразата најави дека ќе бидат наградени со парична награда во висина од 500 до 1000 евра.

Овој вирус е непријател и ќе направиме се за да се справиме со него. Вистина е дека најмногу ги погодува повозрасните лица, но ние не треба да се шегуваме. Страв никако, но внимателност да, и тоа до максимум, порача Рама.

Во Албанија првите два случаи со новиот коронавирус беа регистрирани во неделата, а до синоќа тој број се зголеми на 10 лица.