Актерот Жерар Депардје кој е близок со Путин порача: Оставете го оружјето и преговарајте
Францускиот актер Жерар Депардје кој е близок со рускиот претседател Владимир Путин, денес повика да се остави оружјето и да се преговара. Денес е шестиот ден од руската инвазија на Украина.
„Русија и Украина отсекогаш биле братски земји. Јас сум против оваа братоубиствена војна. Ви велам: Оставете го оружјето и преговарајте!“, изјави тој за АПФ, пренесува „France24“.
Повикот доаѓа во момент кога руската војска продолжува да се распоредува во обид да ја преземе контролата врз Киев, а центарот на Харков, вториот по големина град во Украина недалеку од руската граница, е бомбардиран од руската војска, изјави регионалниот гувернер.
Ѕвездата на француската кинематографија, кој има француско и руско државјанство доби руски пасош во јануари 2013 година, поради несогласување со даночната политика на претседателот Франсоа Холанд.
„Мислам дека е нормално да се плати, но не и на идиотите кои мислат дека работат добро“, изјави тој за „ЛеПоинт“ во 2014 година.
Оттогаш, Жерар Депардје никогаш не престана да ја фали својата нова татковина Русија, „голема демократија“ и да го фали Владимир Путин, кого го спореди со папата Јован Павле Втори.
Повеќе текстови на темата:
Поддршка за Украина и од Холивуд: Дел од светските ѕвезди јасно кажаа што мислат за руската инвазија
ВИДЕО | Трогателно збогување на мајка и син на железничка станица во Украина
ФОТО | И Стивен Сегал проговори за руско-украинскиот судир: Сево ова е трошење пари на пропаганда!