Дали ова оди предалеку?

Продукциската компанија „Волт Дизни“ вчера даде официјално соопштение дека ги прекинува прикажувањата на цртани филмови во Русија, вклучително и претстојната анимација на „Пиксар“, „Црвената панда“.

Причината за ваков потег е како што изјавија „инвазијата на Украина и трагична хуманитарна криза“.

Во соопштението се вели:

„Ќе носиме идни деловни одлуки врз основа на состојбата што постојано се менува. Во меѓувреме, со оглед на бегалската криза, работиме со нашите партнери од невладините организации за да обезбедиме здравствена и секаква друга помош“.

„Дизни“ е првото големо холивудско студио кое ги прекина киноприкажувањата во Русија како одговор на инвазијата на Украина. Украинската филмска академија изминатиот викенд почна интернет-петиција со која повикува на меѓународен бојкот на руската филмска индустрија.