ВИДЕО | Трогателно збогување на мајка и син на железничка станица во Украина
На билетарницата во железничката станица во украинскиот град Лавов, кој е на 60 километри од границата со Полска, има два вида билети за бегалците кои сакаат да побегнат од насилството на руската инвазија, пишува „The Guardian“.
Првата опција се бесплатните билети за возовите за евакуација, но речиси е невозможно да се стигне до нив во моментов. Вториот начин за да се побегне во Полска е со билет за редовна железничка линија, но и тие билети се недостапни сѐ до крајот на март. Па, дури и тогаш, по прогласената општа мобилизација, Украина може да ја напуштат само жените и децата, а сите возрасни мажи мора да останат и да ја бранат државата.
Откако започна руската инвазија, новинарот Мат Гутман од „ABC News“ известува за случувањата во Украина и редовно споделува фотографии и видеа на социјалните мрежи.
Една од неговите последни објави на Инстаграм растажи многумина. На видеото, кое е снимено на железничката станица во Лавов, една мајка со солзи во очите го остава возрасниот син зад себе.
„Денес видовме неопислива тага. Луѓето се заглавени на железничката станица со денови. Според официјални извори, десетици илјади бегалци дошле на станицата без билети. Имаше само два воза до Полска. Останатите повторно ќе преноќат на станицата“, пишува Гутман во описот до видеото.
View this post on Instagram
Повеќе текстови на темата:
ФОТО | Новинарка од Украина со саркастична порака: Ви благодарам господине Путин…
ФОТО | Евровизиската победничка со децата го напуштила Киев: Бевме четири дена без храна