Ајдари за Слободен печат: Се дистанцирам од денешните протести за Монструм, ние ќе протестираме на 2 април
Бедри Ајдари членот на семејството на дел од обвинетите во случајот „Монструм“, и организатор на многу протести за овој случај, во изјава за Слободен печат вели дека тој не е организатор на денешниот протест, и дека нема информација кој е организаторот.
– Не, не, јас не сум организатор на денешните протести. Не знам кој ги организира, јас не сум организатор на денешните протести, но можно е некој да ги преставил во име на сите случаи, па може да има некаква конфузија – вели Ајдари за Слободен печат.
Тој, информира дека ќе организира протести идната недела против пресудите за случајот Монструм.
– Ние ќе протестираме следната недела, во петок на 2 април 2021 година – информира Ајдари.