Адел конечно го издаде албумот „30“: Слушнете ја потресната песна каде зборува со својот син
До сега толку многу се слушаше за него, а сега конечно може и да се слушне – Адел конечно го издаде својот многу очекуван албум „30“.
Ова е четврти студиски албум за 33-годишната пејачка, а музиката е инспирирана од нејзиниот развод со поранешниот сопруг Сајмон Конецки.
Албумот ги содржи водечкиот сингл „Easy on Me“ чија најава дигна огромна прашина, а на него се наоѓаати и новите песни насловени како „I Drink Wine“, „Hold On“ и „To Be Loved“. Адел дебитираше неколку песни од албумот за време на нејзината специјална програма на „CBS“ која беше во форма на еднократен концерт, наречен „Adele One Night Only“, кој се емитуваше минатата недела.
View this post on Instagram
Една од најочекуваните песни на албумот, „Hold On“, е онаа за која самата Адел рече дека може да се покаже како многу важна за луѓето.
„Навистина ми помогна овој албум. Навистина мислам дека некои од песните на овој албум навистина можат да им помогнат на луѓето, навистина да ги променат животите на луѓето. Песните како „Hold On“ всушност можат да спасат неколку животи“, изјави таа во неодамнешно интервју.
„Љубовта наскоро ќе дојде, душо / Ако само се држиш“, пее таа на емотивната песна, напишана и продуцирана заедно со Инфло. Песната премиерно беше пуштена денес во форма на стиховно видео.
Има уште една песна на албумот во која се појавува нејзиниот син Анџело и некои многу потресни гласовни белешки.
Делукс изданието „Target“ на албумот содржи три дополнителни песни – „Wild Wild West“, „Can’t Be Together“ и нова верзија на „Easy on Me“ со Крис Стејплтон.
Песните од албумот се веќе достапни за стриминг на „YouTube“ каналот на Адел.