Тропските горештини ја погодија и Македонија, а на удар се и автомобилите, чија температура достигнува и над 50 степени по половина час на сонце. Затоа е исклучително важно какви работи имате во вашиот автомобил.

Следните работи не се препорачува да ги чувате во автомобилот во лето поради опасноста за вас и вашиот автомобил.

1. Пластични шишиња

Шишињата за вода, шишињата за бебиња и другите пластични садови не смеат предолго да стојат во загреан автомобил.. Пластиката што била изложена на екстремни температури би можела потенцијално да ослободи опасни супстанции како што е бисфенол А (БПА) – честа хемикалија што се наоѓа во пластиката – во вашата течност. Најдобро е да избегнувате консумирање на сè што е направено од пластика што веќе некое време стои во вашето возило.

2. Електронски уреди

Мобилните телефони, лаптопите, камерите и другите електронски уреди не се дизајнирани да издржуваат високи температури. Сите електронски уреди имаат опсег на работната температура што е дизајниран за безбедна употреба. Кога електрониката се остава во жешки возила со часови, веројатно е дека ќе се оштети од топлината, при што батериите може да се прегреат, да се прошират или да пукнат. Пластичните компоненти на електронските уреди можат да се стопат и да создадат голем неред што треба да се исчисти.

3. Лекови

Многу лекови треба да се чуваат на температури кои не се екстремни. Во основа, не е препорачливо да се чуваат лекови во автомобилот, без разлика дали е топло или ладно, бидејќи и високите и ниските температури може негативно да влијаат на лекот. Ако лековите се остават на температура надвор од препорачаниот опсег, лекот може да стане неделотворен, па дури и штетен.

4. Запалки

Запалките се направени од запалив материјал кој ќе се прошири и можно е да експлодира, создавајќи опасност од пожар ако се остави на екстремна топлина. Иако температурите би морале да бидат екстремни за да експлодира запалката, најдобро е да го отстраните овој предмет од автомобилот во текот на летото.

5. Храна

Без разлика дали станува збор за лесно расиплива храна, храна за домашни миленици или конзервирана, таа не смее да се консумира ако е оставена во возилото 1-2 часа, во зависност од температурата на вашиот автомобил. Храната не само што може да биде лоша за вашите црева, туку во неа може да се создадт бактерии што предизвикуваат болести. А притоа, може да дојде и до труење со храната.

6. Лименки и конзерви што се наполнети со гасови/спреј за коса, дезодоранс…

Лименките, односно спрејовите со лак за коса, дезодоранс и боја имаат етикети со предупредување кои ги предупредуваат клиентите да избегнуваат чување на места каде што температурите се над 49 степени. Кога лименките се чуваат во услови над 49 степени, притисокот ќе се зголеми, што може да предизвика пукање на лименката, оштетување на вашиот автомобил, оштетување на она што е во близина, па дури и ослободување на хемикалии во воздухот.

Климатизерот во автомобилот нема да лади како што треба ако ги правите овие грешки

Д-р Аврамовска објаснува зошто автомобилот може да биде опасен за милениците во лето