15 најсилни болки кои можеме да ги доживееме, толку интензивни до неиздржливост!

Фото: Профимедиа

Според британските научници, ова се најсилните болки предизвикани од различни здравствени состојби и болести.

Кластер главоболки

Кластер за главоболка се неподносливи напади на хистамински главоболки на едната страна од главата, пред сѐ, во областа на очите и слепоочниците. Симптомите како вознемиреност и немир ја придружуваат главоболката. Болката е толку силна што може да влијае на способноста за извршување на секојдневните активности.

Херпес зостер

Херпес зостер е заразна болест која доведува до тешки болни појави на плускавци на кожата исполнети со течност. Предизвикана е од херпес вирусот, вирус варичела зостер, кој предизвикува сипаници. Вирусна инфекција може да трае и до еден месец.

Адхезивен капсулитис („блокада“ на рамото)

Ова е најчеста причина за болка и вкочанетост на рамото кај луѓето. Болката и вкочанетоста може да траат две или три години пред да исчезнат спонтано, а во раната фаза состојбата може да биде многу болна.

Фрактура на коски

Скршеница на коска или фрактура е повреда што резултира со прекин на континуитетот на коските. Може да се појави во која било коска во телото и да предизвика силна болка и воспаление. Сериозноста на фрактурата зависи од јачината што ја предизвикала кршеницата.

Срцев удар

Инфаркт на миокардор или срцев удар е изумирање на дел од срцевиот мускул поради целосно прекинување на протокот на крвта во погодениот дел од срцевиот мускул. Ова е една од водечките причини за смрт во светот.

Дискус хернија

Најчесто се јавува во лумбалниот и цервикалниот дел на ‘рбетот. Болката е предизвикана од притисокот на дискот (перничето) кое се наоѓа помеѓу двата ‘рбетни столба и кој е потиснет кон нервот кој излегува од ‘рбетот. Излизганиот диск може да ги иритира блиските нерви, што резултира со болка и вкочанетост или слабост во раката или ногата.

Фибромијалгија

Фибромијалгијата е хронична болест која се карактеризира со постојани болки и непрекинато чувство на замор, а трае, во повеќето случаи, цел живот. Не ги оштетува мускулите, зглобовите, органите, не е опасен по живот и со текот на времето станува поднослив. Ја намалува работната способност и значително влијае на квалитетот на животот и расположението.

Чир на желудникот

Гастричниот улкус и дуоденалниот улкус може да се опишат како ограничено оштетување на мукозните мембрани на дигестивниот систем кои продираат во мускулниот слој на слузницата, оставајќи лузна за време на заздравувањето. Во развојот на болеста главна улога имаат инфекцијата со хеликобактер, лековите, факторите на животниот стил, тешкиот физиолошки стрес, но и генетиката.

Акутен панкреатит

Тоа е акутен воспалителен процес на панкреасот. Се јавува ненадејно и се карактеризира со силни болки. Најчесто се шират како појас околу горниот дел на стомакот.

Гихт

Гихт е назив за група болести кои вклучуваат зголемена концентрација на уричната киселина во крвта, напади на ненадејно воспаление (обично на еден) зглоб, наслаги на кристали на уричната киселина во близина на зглобовите, наслаги на кристали на уричната киселина во бубрезите и бубрезите камења.

Ендометриоза

Ендометриозата е хронична болест која се карактеризира со раст на слузницата (ендометриумот) надвор од матката каде што обично се наоѓа.

Артритис

Ревматоидниот артритис е тешка, хронична, воспалителна болест на сврзното ткиво кое најчесто се појавува во зглобовите. Кај ова нарушување, имунолошкиот систем ги напаѓа рскавичното ткиво, коските и понекогаш, внатрешните органи.

Камења во бубрезите

Камењата во бубрезите се едно од најболните нарушувања кои ги погодуваат луѓето, а воедно и едно од најчестите нарушувања на уринарниот тракт. Мажите се почесто погодени од жените. Кога еднаш ќе се појави кај некоја личност повеќе од еден камен, поверојатно е дека ќе се појават повеќе.

Ишијас

Ишијасот е силна, остра болка во долниот дел на грбот која се шири кон ногата низ глутеалната регија, понекогаш сè до прстите.

Мигрена

Мигрената е васкуларна главоболка, се јавува периодично и болката главно погодува половина од главата. Болката е често придружена со гадење, повраќање и нарушувања на видот. Карактеристика на мигренозните главоболки е тоа што пред нападот во голем број случаи се јавува т.н. аура.

Видео на денот