Велешанец изминатата ноќ пријавил во полиција дека неговата ќерка, која има само 13 години, не се вратила дома, соопшти МВР.

„Педесетгодишен жител на Велес ноќеска околу 02:20 часот по полноќ пријавил во СВР Велес дека од неговиот дом се оддалечила неговата 13-годишна ќерка А.Ј.Н. Според пријавата, таткото изразил сомнеж дека девојчето се наоѓа во друштво на лице со иницијали Г.М. од Свети Николе, при што на полицијата ѝ дал и информации за можната локација на детето. Од Секторот за внатрешни работи Велес информираат дека веднаш се преземени соодветни мерки и активности за пронаоѓање на малолетничката и за утврдување на сите околности поврзани со случајот“, пишува во полицискиот билтен.