Кошаркарите на Црвена звезда остварија исклучително важна победа во борбата за пласман во доигрувањето на Евролигата.

„Црвено-белите“ во натпреварот од 36. коло на Евролигата во „Белградска арена“ го совладаа тимот на Париз со 94:81 и ги зголемија шансите да се пласираат во елиминациската фаза од натпреварувањето.

Звезда сега има скор од 20 победи и 16 порази и останува во плеј-ин зоната, а следниот натпревар ќе го одигра веќе во петок против Асвел.

Од друга страна, Париз има учинок од 14 победи и 22 порази и се наоѓа на 16. место на табелата.

Избраниците на тренерот Саша Обрадовиќ до триумфот ги предводеа Чима Монеке со 21 поен, Огњен Добриќ со 19 и Коди Милер-Мекинтајер со 16 поени, кој запиша и дури 14 асистенции.

Најефикасен кај гостите беше Надир Ифи со 20 поени.