Граѓаните се жалат дека речиси две недели не можат да ги најдат цигарите „Карелија слимс“ во продавниците.

Во потрага по популарните цигари, прошетавме во неколку продавници. Нѝ рекоа дека работеле со последните залихи на овој тип на цигари.

Идентичен е проблемот и во Србија. И таму, цигарите „Карелија слимс“ исчезнуваат од пазарот, јавуваат српските медиуми. Од српското претставништо „Карелија“  одговориле дека побарувачката на цигарите е голема, а тие не можеле да постигнат со испорака на цигарите и тој бил единствениот проблем.

Од компанијата „Пекабеско“, пак, која ги увезува цигарите на „Карелија“ во Македонија, велат дека овие цигари ги има на пазарот и дека ги дистрибуираат до продавниците. Оттаму нагласуваат дека ги имало во поголемите тобака. Но, не нѝ одговорија на прашањето кога последен пат дистрибуирале цигари „Карелија“, туку, нѝ рекоа за други прашања да ги бараме од понеделник.