Македонската машка кадетска ракометна репрезентација се закити со златото на Светското училишно првенство во ракомет што се одржа во Скопје.

Играчите предводени од селекторот Горан Кузманоски во финалето одиграно во СЦ „Јане Сандански“ го совладаа Израел со 38:32.

После првото полувреме нашата селекција имаше предност од 20:14.

На патот до финалето, македонските ракометари најпрвин во групната фаза ги совладаа Бугарија (33:18), Грузија (46:13), Република Српска (27:25) и Саудиска Арабија (23:11), а во полуфиналето беа подобри од Србија со 30:19.

Со одлични настапи низ целиот турнир, македонските ракометари покажаа квалитет, борбеност и вистински тимски дух.

Потсетување, во женското финале, македонските кадетки загубија од селекцијата на Хрватска со 28:26.