Женската кадетска ракометна репрезентација на Македонија одигра одличен турнир на Светското училишно првенство што се одржа во Скопје и избори пласман во големото финале.

Во финалниот натпревар, нашите ракометарки предводени од селекторот Даниела Новеска беа поразени од селекцијата на Хрватска со резултат 28:26, по голема борба и неизвесност до самиот крај.

Со својата игра, пожртвуваност и тимски дух, ракометарките достојно ја претставија Македонија.

На натпреварот присуствуваа претседателот на Ракометната федерација на Македонија, Александар Стефанов, како и министерот за спорт, Борко Ристовски.

На ова СП, кадетките пред настапот во мечот за златото, остварија победи најпрвин во групната фаза над Белгија (34:12), Грузија (45:13), Словачка (29:13), потоа во четвртфиналето беа подобри од Бразил со 19:18, а во полуфиналето ја совладаа Турција со 30:22.