Златниот Ѓорѓиев: Можеби сме мала држава но повторно докажавме дека имаме најголемо срце
Димитар Ѓорѓиев по четврти пат ја освои шампионската титула во кикбокс. Најдобриот македонски кикбоксер по светските титули во 2011, 2013 и 2015 година во дисциплината кик-лајт, вчера го освои слатниот медал на СП кое се одржува во Италија и во дисциплината лоу-кик.
По освојувањето на златниот медал Ѓоргиев соопшти дека е горд и благодарен и на сите свои поддржувачи во кариерата.
„Златото е повторно дома… Сакам да се заблагодарам до сите луѓе што искрено се израдувавте на оваа наша победа!!! Благодарам до мојата фамилија, до мојата девојка која мора да ме трпи заедно си сите мои ангажмани, сите мои подржувачи низ цела моја кариера и мојот тим од КБК Работнички Адора и ВАКО Македонија. Можеби сме мала држава но повторно докажавме дека имаме најголемо срце!“, напиша Ѓорѓиев на социјалните мрежи.
Димитар Ѓорѓиев по четврти пат е светски шампион во кик-бокс