Каратистот на „Макпетрол“ Стефан Стојановиќ, успеа да го освои златниот медал во највозрасната категорија на постари јуниори (U21) +84 кг. На завршниот турнир на Светската 1 Премиер лига во Венеција, Италија, учествуваа 4000 спортисти од 81 држава. Венеција го доби статусот на најголем и најмасовен натпревар за млади каратисти во светот.

Стојановиќ го освои златниот медал, совладувајќи го во финалето Олександер Козлијан од Украина со резултат 3-1. Стојановиќ во елиминацискиот дел до финалето извојува четири победи.

Резултати Карате 1 Младинска лига:
У-21
+84 кг

Стефан Стојановиќ – Мика ван Вундерберг (Холандија) 5-0
Стефан Стојановиќ – Џонатан Росигноли (Италија) 1-0
Стефан Стојановиќ – Александер Дејвис (Луксенбург) 2-2
Стефан Стојановиќ – Данил Касијанов (Украина) 1-0
Финале
Стефан Стојановиќ – Олександар Козлијан (Украина) 3-1

Со оваа победа и освоениот златен медал, Стојановиќ покажа зашто е редовно најдобар каратист во светот до 21 година во категоријата над 84 килограми. Ги исполни очекувањата на тренерот Петар Заборски и ја заокружи оваа година на најубав начин со освоен златен медал во Младинската најмасовна и најголема светска лига. Со овој резултат останува да биде прв или втор на Светската Ранг листа на WKF (Светска карате федерација), до крајот на 2024 година.