75-годишна жена почина денеска на Клиниката за инфективни болести во Скопје, како последица на компликации од грип. Како што соопштија здравствение власти, жената имала повеќе хронични заболувања и не била вакцинирана против сезонски грип.

Директорот на Инфективната клиника, д-р Фадиљ Цана, вели дека во критична состојба се уште двајца пациенти, приклучени на апарати за дишење, а вкупно неколкумина се на кислородна поддршка. Во моментов на клиниката лежат 25 пациенти, главно постари луѓе.

– Тие се хоспитализирани затоа што кај нив при преглед е констатирано дека имаат компликација на вирусот на грип, пред сè со респираторно засегање – појаснува д-р Цана.

Според последните податоци на Институтот за јавно здравје (ИЈЗ), само во првата недела од годинава се регистрирани 1.725 случаи на грип низ земјава.

Грипосани деца и млади ги исполнија речиси сите кревети во „Козле“, хоспитализирани се и доенчиња