Најмалку осум луѓе загинаа, а неколку се повредени во судир меѓу патнички и товарен воз во централната индиска држава Чатисгар, јавува Ројтерс.

Во моментот на несреќата, товарниот воз бил запрен на шините, а патничкиот воз го удрил одзади, оштетувајќи ги првите неколку вагони од патничкиот воз.

Полицијата и спасувачките екипи се на местото на настанот, а властите најавија детална истрага за несреќата.

Ројтерс известува дека железничките несреќи не се невообичаени во Индија, истакнувајќи дека меѓу најлошите била 2023 година, кога се судриле три воза и загинале 288 лица.