Доцна попладнево заврши јавниот собир над населбата Баир во Битола, а граѓаните, кои со разни пречки го блокираа патот од Битола кон Ресен, се повлекоа, соопшти „Македонијапат“. Сообраќајот, сепак, и натаму се пренасочува низ Битола, поради тоа што екипите на јавното претпријатие ги расчистуваат барикадите.

Сообраќајот на државните патишта се одвива во зимски услови, по наместа влажни коловози. Намалена видливост поради појава на магла до 30 метри има на патниот правец Тетово-Попова Шапка од селото Лисец.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за патнички возила и автобуси за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.