Започна судењето против Бензема, му се заканува затворска казна до пет години
Во судот во Версај денеска започна судењето против фудбалерот на Реал Мадрид, Карим Бензема. Францускиот напаѓач е обвинет за уценување на репрезентативниот соиграч Матје Валбуена во 2015 година, со уште четири лица, со секс снимка.
– Одлуката да му се суди на Бензема е апсурдна и сурова. Тој нема од што да се жали тука – вели адвокатот на Бензема, Силвен Кормие.
Францускиот закон предвидува максимална казна од пет години за дело на изнуда пари. Бензема со уште четири лица наводно побарале од Валбуена меѓу 50 и 100 илјади евра за да не се објави спорното видео.
Откако сè беше објавено во медиумите во 2015 година, францускиот селектор Дидие Дешан ги исфрли двајцата од националниот тим. Бензема не беше поканет во француската репрезентација пет години, до Европското првенство, кое се одржа летово.
Истражителите велат дека Бензема го охрабрил Валбуена да им плати на уценувачите откако му ги дал условите под кои би можел да ги спречи сопствениците на снимката да ја објават во јавноста.
Бензема го негираше сето тоа, и сега случајот стигна до судот. Покрај централниот напаѓач на Реал, обвинети сè уште четири лица. Меѓу приведените е и поранешниот француски репрезентативец Џибрил Сисе, кој по сослушувањето беше ослободен.
Karim Benzema’s trial for complicity in the act of blackmail of Mathieu Valbuena begins tomorrow at Versailles – the crime he is accused of committing carries a maximum sentence of 5 years in prison + a €70k fine. (1/2)
— Get French Football News (@GFFN) October 19, 2021