Фармацевтската компанија Модерна денека соопшти дека првата доза од вакцината е во вториот дел од последната фаза на тестирањето на кандидатите кои влегуваат во старосната група од 12 до 18 години, пренеува Ројтерс.

Тестирањето се одвива во соработка со Биомедицинкото напредно истражувачко и развојно тело, кое е дел од министерството за здравство во САД.

-Со задоволство ви соопштуваме дека тргнавме во вториот дел од последната фаза на тестирањето кај здрави адолесценти во САД. Наша цел е да собереме доволно податоци до пролетта 2021 година, со кои би одобрила употребата на нашата вакцина во продолжението од учебната година – изјави Стефан Бансек, извршен директор на Модерна, а пренесува „Бизни вајер“.

Тој додаде дека е охрабрен од прелиминарните резултати и анализи од третата фаза на тестирањето помеѓу повозрасни од 18 години, додека тестирањето кај адолесцентите значително помага за да се обезбеди ефикасноста на вакцината кај помладата популација.

– Се надеваме дека ќе успееме да ипорачаме сигурна вакцина и да ги заштитиме помладите, така што ќе можат да се вратат на училиште во безбедни услови – вели Бансет.

Модерна планира со двете дози во период од 28 дена да тестираат 3.000 адолесценти во САД.