Вукас: Очекувам Академија Пандев да биде поопасна! – Слободен печат
СпортФудбал

Вукас: Очекувам Академија Пандев да биде поопасна!

Академија Пандев в четврток од 19.00 часот во Мостар (БиХ) ќе се обидат да направат чудо и ја анулираат скопската негатива (0:3) против тимот на Зрињски.

„Пандевци“ ќе мора да се надминат себеси ако сакаат да се надеваат на некакво изненадување во реваншот од првото квалификациско коло на Лига Европа.

Од друга страна Хари Вукас не сака да ги види опуштени неговите фудбалери, односно и на утрешната средба ќе бидат сериозни во својот нов европски предизвик.

– Имаме добар резултат, но сите знаеме каков е фудбалот, па затоа и во вториот дуел ќе бидеме максимално сериозни и мобилизирани со цел да ја оствариме нашата цел, а тоа е пласман во следното коло – се зборовите на Вукас.

Тренерот на Зрињски повторно дека Академија Пандев не е лош тим, истакнува дека во возвратната пресметка очекува Македонците да бидат поопасни.

– Тие во првиот натпревар беа под притисок поради нивното дебитантско учество во Европа, но сега доаѓа друг меч. Со оглед на резултатот по првите 90 минути, мислам дека Академија Пандев ќе игра без никаков притисок, послободно во својата игра и тоа може да биде опасно за нас. Не смееме да дозволиме натпреварот да оди во некој непосакуван правец за нас – додаде Вукас.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close