Вујовиќ: Гурбиндо веќе има романски број
Ракометарите на Вардар 1961 во среда против Брест Мешков ќе го игра првиот натпревар пред своите гледачи во новото издание од Лигата на шампионите, а во тимот повеќе не е најзвучното засилување кое пристигна летово, Едуардо Гурбиндо.
Недоразбирањата со тренерот Веселин Вујовиќ беа преголеми по што Шпанецот си замина од Вардар и кариерата ќе ја продолжи во Динамо Букурешт.
Гурбиндо за шпанските медиуми веќе изјави дека во Вардар не го видел проектот кој му бил претставен при преговорите.
– Гурбиндо веќе има романски борј. За нас е изненадување неговото заминување. Ние уште од првиот ден го пречекавме со еуфорија, тој е еден класа играч и сигурно ќе недостасува, меѓутоа повеќе во одбрана отколку во нападот. Посебно во одбраната каде одлично ја читаше играта на противниците, додека вонападот ги имаме Њокас и Моралес кои можат да дадат повеќе. Му посакуваме среќа во иднина, и на крај од сезоната ќе видиме кој направил подобар избор – вели Вујовиќ.