Вториот тим на Еурофарм Пелистер беше тврд „орев“ за Вардар 1961
Продолжија натпреварите од домашното првенство, односно разигрувањето за титулата во најдобрата македонска лига. Како што е веќе познато ќе се играат 14 кола, по што најдобриот тим ќе биде прогласен за шампион на нашата земја.
Денеска во СЦ „Јане Сандански“ еден од посериозните кандидати за трофејот оваа сезона налета на доста силен отпор од вториот тим на Еуфофарм Пелистер кој успеа дури 30 пати да ја затресе мрежата на домаќините.
На крајот „црвено-црните“ триумфираа со резултат 34:30, прв стрелец за составот на Стевче Алушовски беше десното крило Георгиевски со осум голови.
За битолската екипа доминираше десниот бек Петровиќ кој седумпати се запиша во листата на стрелците.
На табелата по три бода стартуваа првиот тим на Еурофарм Пелистер, Вардар 1961, Бутел и Пролет.
Пролет непријатно го изненади Металург во ракометниот плеј-оф