Пролет непријатно го изненади Металург во ракометниот плеј-оф
Тинекс Пролет во голем стил го стартуваше настапот во ракометниот плејоф на Македонија откако во рамките од првото коло го совлада Металург со 29:26.
Домашните ракометари за ривал го имаа повеќекратниот првак на Македонија, но тоа им послужи како мотивација да одиграат беспрекорен натпревар, целосно да го контролираат резултатот од почеток до крај и заслужено да стигнат до голема победа.
Ласко Андоновски ги предводеше стрелците кај победничкиот тим со седум погодоци, пред Пецаковски и Потиќ со по пет, додека четири гола постигна Пејовиќ.
Денеска се одиграа уште два меча, Бутел успеа да го совлада Охрид (26:22), а Еурофарм Пелистер ја оправда фаворитската улога против Струга (28:18).
За битолчани доминираше Периќ со осум погодоци, а кај стружани еден помалку запиша Ракочија.