Втор живот: Стариот леб е совршен за подготовка на солени и слатки јадења
Следниот пат кога ќе најдете дома ќесичка со стар леб, не го фрлајте. Постојат одлични начини како да го искористите. За жал, на сите често им се случува да го фрлат стариот леб, кој од стоење се стврднал и почнал да се рони. Но, постои решение за тој проблем. Со едноставни рецепти можете на стариот леб да му дадете нов и вкусен изглед. Подготовката е лесна, а потоа ќе можете да уживате во едноставните, вкусни слатки и солени оброци.
Кубети за салати и летни супи
Кубетите се наједноставно кажано потпечени коцки леб. Тие се извонреден додаток во супите и салатите, но и практичен начин за пренамена на стариот леб. За подготовка, 100 грама стар леб исечкајте на коцки, полејте со 3 лажици маслиново масло и зачинете со пола лажичка лук во прав, малку мешавина италијански зачин, 30 грама ситно рендан пармезан, сол и црн пипер. Измешајте добро со раце, за да се распоредат состојките, па префрлете го лебот во плех обложен со хартија за печење и печете во рерна загреана на 180 степени 15-ина минути, додека лебот стане крцкав и добие убава златна боја. Откако ќе се
изладат можете да ги користите за салати, супи или да ги чувате неколку денови во сад со капак.
View this post on Instagram
Лажна пица
Пица-тостот е одлична идеја кога станува збор за брз топол појадок или лесна вечера со пријателите. Едноставен и брз за подготовка се прави од каков било стар леб и потоа само додавате што имате дома, без разлика дали е тоа сезонски зеленчук, месо или јајца. Лебот исечете го на резанки, попрскајте ги со малку
масло и секоја премачкајте го со малку доматен сос, посипете со оригано, а потоа филувајте со моцарела, сечкани пиперчиња, домати, малку босилек. Или, пак, ако имате кашкавал, шунка или печурки. Секоја идеја е прифатлива. Испечете ги кратко во рерна на 200 степени додека се стопи кашкавалот и послужете ги топли.
View this post on Instagram
Пита од леб е одлична идеја
Леб со растопен кашкавал, капари и лук е појадок за кој ќе ви треба малку повеќе време, ама сигурно нема да зажалите. Еден цел леб исечете го на кришки, па во сад за печење намачкан со малку путер или маслиново масло наредете го во три реда и над него наредете пршута или панчета и рендан кашкавал. Ако не сакате месо, тогаш не користете. Во сад измешајте 5 јајца, 200 милилитри кисела павлака, 150 милилитри млеко, 3-4 лажици сув копар, сол и црн пипер. Со ова полејте го јадењето и ставете го во фрижидер да стои 2-3 часа, покриено со алуминиумска фолија. Испечете го во рерна загреана на 200 степени, околу 30 минути. Нека се излади 10 минути, па послужете го со капари, резанки лимон и
малку сечкан кромид.
View this post on Instagram
